عندك اثر حبوب وجهك اكحل بالشمس وجهك ماشي لون جسمك تعالي الحل عندي من تجاربي الشخصي مغربي "الدار

استعرض الموضوع السابق استعرض الموضوع التالي اذهب الى الأسفل

عندك اثر حبوب وجهك اكحل بالشمس وجهك ماشي لون جسمك تعالي الحل عندي من تجاربي الشخصي مغربي "الدار

مُساهمة من طرف swiglas tv في الأربعاء يناير 23, 2008 12:53 pm

السلام عليكم ورحمة الله وبركاته

صدقوني انا ماليا لاناقة ولا جمل كيف ماكنقول ديما انني نغشك اختي ولا كنبيع كريمات وباغا ندير ليها الاشهار ولا عندي اي عداوة ضد الصالونات او خبراء التجميل لكن بصراحة كتبقى فيا كل اخت معندهاش تمشي لطبيب الجلد او تدير عملية تبييض او تجميل او تجمع باش تري بوماد وكريم وووو
والله على قبلك اختي كنكتب نفيدك اوىىىى اللي معندوش يموت لااااااا معاي الحمد لله غتكوني ديما زوينة كيف ماخلقك الله حتى لو اهملتي نفسك بالمشاكل وقلة التهلي وووو الله يطلف بينا ويسهل علينا كاملين ويعطينا نور في نور من عند الله سبحانه وتعالى
كيف ماقلت هادي وصفاتي انا اللي كندير ديما ولولا مشاكل النت وماكيجيب من صداع وانني متحجبة كنت عرضت ليكم صورتي تشوفوني يعني راه ماشي كزار ومعشي باللفت كيف ماتيقولو

واقيلا طولت عليكم نخليكم مع الوصفة
المقادير

للبشرة الذهنية

نصف خوخة او حتى خوخة كاملة الى كانت صغيرة
معلقة حمص مطحون

للبشرة الجافة

خوخة
معلقة زيت العود

البشرة العادية

ممكن تخلط نص معلقة حمص
نص معلقة زيت العود
خوخ

الطريقة

اغسلي الخوخة اختي وخليها بقشرتها وحيدي العظم وطحنيها بالخلاط وخلطي معها بقية المقادير واذهني بيها وجهك وحتى عنقك لغاية صدر يعني كل المنطقة المعرضة للشمس
خليها من ثلث الى نص ساعة واغسلي بالماء ويستحسن يكون بارد او من الحنفية يعني الروبيني او البزيوز يعني مايكونش دافئ
وشوفي النتيجة وردي عليا الخبار



ممكن اختي تديري الوصفة 2 المرات بالاسبوع

معلومات

الوصفة اختي راه كتصلح كيف ماقلت بالعنوان
_ لازالة اثر الحبوب
_لازالة اسمرار الشمس
_لوجه صافي وناعم مثل البيبي
_وقناع مفيد للبشرة يغديها ويقويها




اواا اختي رفعي يدك لله وادعي وقولي
يااارب تعطي لكل وحدة االلي نوات في خاطرها طالما في الخير وتدير تاويل الخير لكل وحدة اللي مزوجة يحفظ ليها ربي راجلها واللي باقا يجيب ليها ربي نقرة صافية يغبر فيها نحاسها واللي مريضة تتشافى واللي صحيحة يفظها ربي ويعافيها ويرحم والدين كل اخت دخلت تقرا الموضوع بما انها غتقرا كلامي وحتى اللي مقراتش
ياارب احفظنا من السوء وقلالين النية وولاد الحرام وارزقنا الذرية الصالحة وقاد لينا البصر مع العمر واعطينا وارزقنا على قدر النفع وحنن قلوبنا على اليتامى والضعفاء والمحتاجين
منتظرة اراءكم بالوصفة وردودكم وحتى اسئلتكم انا ديما رهن الاشارة واعذروني الى مجوبتش بسرعة فهذا خارج عن استطاعتي لاني كنلقا مشاكل بالدخول للنت الله يهديهم ويعاونهم يصلحوه باقرب وقت.
avatar
swiglas tv
عضو مميز
عضو مميز

ذكر عدد الرسائل : 300
العمر : 31
المزاج : عكر
المغرب :
نشاط العضو :
50 / 10050 / 100

تاريخ التسجيل : 22/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عندك اثر حبوب وجهك اكحل بالشمس وجهك ماشي لون جسمك تعالي الحل عندي من تجاربي الشخصي مغربي "الدار

مُساهمة من طرف swiglas tv في الأربعاء يناير 23, 2008 12:54 pm

أين الردود ألم تعجبكم الوصفة ؟؟؟؟؟؟
avatar
swiglas tv
عضو مميز
عضو مميز

ذكر عدد الرسائل : 300
العمر : 31
المزاج : عكر
المغرب :
نشاط العضو :
50 / 10050 / 100

تاريخ التسجيل : 22/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى